Lára Kristín er hjúkrunarfræðingur og vinsæll einkaþjálfari sem sjálf náði tökum á heilsu sinni og líkamsformi án öfga. Hún segir staðfestu og viljastyrk mikilvægasta veganestið í átt að betri lífsstíl.
Það fylgir móðurhlutverkinu að kenna börnunum hollt mataræði og að hreyfing og útivist sé sjálfsagður hluti af daglegu lífi, rétt eins og almenn kurteisi. Þannig hef ég sýnt mínum börnum að það sé eðlilegasti hlutur í heimi að mamma þurfi að fara í ræktina og skiptir þá engu hvort það lendi á einstaka kvöldmatartíma því í staðinn fá þau heilbrigðari og geðbetri mömmu. Það mun heldur ekki standa upp úr minningunni hjá þeim hvort mamma hafi ekki getað eldað eða lesið fyrir þau tvö kvöld í viku því þau munu frekar minnast þess að mamma þeirra var hraust og kát, gat farið með þeim út að leika og að við fjölskyldan gerðum svo ótal margt saman.”Þetta segir Akureyringurinn Lára Kristín Jónsdóttir, hjúkrunarfræðingur hjá Heilsuvernd á Akureyri og vinsæll einkaþjálfari hjá fjarþjálfunarfyrirtækinu hennar Gymlara. “Segja má að ég lifi og hrærist í því ða mæla og meta heilsufar fólks og gefa því góð ráð til heilsueflingar. Í mínum bókum er ekkert eitt rétt. Hver og einn þarf að finna sína leið og halda sig við hana. Uppskrift að árangri í heilsurækt er viljastyrkur, þolinmæði, jákvæðni og að hafa þetta skemmtilegt. Það er veganestið sem ég gef mínu fólki í fjarþjálfun því með réttu hugarfari er hægt að gera allt skemmtilegt. Ég hamra á því að finna gleðina því annars gefumst við upp,” segir Lára Kristín. “Við þurfum líka að breyta grunnhugsun hjá sjálfum okkur og gera heilsuræktina, eða hvaða jákvæða breytingu sem snýr að nættri heilsu, að lífsstíl því hvers kyns kúrar virka ekki til lengdar. Við þurfum að vera viðbúin því að stundum koma brekkur upp í móti og víkja þá ekki af sporinu. Þess vegna er mikilvægt að búa yfir staðfestu ef árangur og úthald á að nást,” segir Lára Kristín.
Sældarlíf í heimavistinni
Það var fyrir áratug sem Lára Kristín breytti um lífsstíl, þá 26 ára. “Ég flutti að heiman sextán ára gömul og fór í heimavistarskóla. Ég stundaði litla sem enga hreyfingu og ef mér leist ekki á kvöldmatinn í mötuneytinu var freistandi að næra sig á skyndibita í sjoppunni. Því fengu foreldrar mínir eflaust sjokk í hver sinn sem ég kom heim í frí því ég fitnaði æ meir eftir því sem á vistina leið,” segir Lára og brosir að minningunni. Hún segir ekkert eitt hafa orðið til þess að hún ákvað að bæta lífsstílinn. “Nei, ég mætti bara í ræktina einn daginn og þá small eitthvað hjá mér. Ég vissi eins og aðrir um mikilvægi þess að borða hollt og hreyfa mig meira en loksins sá ég þetta í nýju ljósi og náði að gera það skemmtilegt. Ég náði að gera heilsurækt að áhugamáli, án allra öfga, og nú er þetta ekki kvöð sem ég verð að gera, þetta er eitthvað sem ég verð að gera og á því er stór munur.”
Ótvíræður munur á liðheilsu
Á liðnu hausti ákvað Lára Kristín að bæta við Feel Iceland kollageni í fæðu sína. “kollagen er eitt umtalaðasta og vinsælasta fæðubótarefnið í dag. Sem hjúkrunarfræðingur er ég gagnrýnin á margt af því sem fólki er talað trú um að bæti útlit þess og heilsu og ég vara skjólstæðinga mína við að gleypa ekki gagnrýnislaust við öllu sem reynt er að selja því ef árangurinn hljómar “too good to be true” er það líka yfirleitt þannig.” Segir Lára Kristín sem fylgist vel með starfi íslenskra frumkvöðla í sínu starfi enda er mikil framþróun í sviði heilbrigðissvísinda. “Mig langaði að prófa kollagen og láta reyna á áhrif þess á eigin líkama. Það væri þá enginn skaði skeður ef áhrifin yrðu engin. Mér fannst áhugaverð umræðan um kollagen sem heilsubót því fram að því hafði ég engöngu heyrt um notkun kollagens í andlitskremum sem áttu að fegra og yngja húðina.” Segir Lára Kristín og árangur kollagens kom fljótt í ljós. “Ég æfi mikið, lyfti lóðum og stunda mikla hreyfingu með fjölskyldunni en hef glímt við þráláta verki í öxlum og mjöðmum og stundum farið til nuddara og í sjúkraþjálfun en tekið pásur þegar ég hef verið sæmileg. Í haust fór ég að taka inn kollagen og var samhliða í nuddi en tók mér svo tveggja mánaða pásu þar til um daginn að ég fór aftur og sagði nuddaranum að ég væri orðin alveg dúndurgóð, sem er satt. Það þakka ég kollageninu frá Feel Iceland því ég finn ótvíræðan mun til hins betra á liðheilsu minni.” Upplýsir Lára Kristín um ein af fleiri góðum áhrifum kollagens á heilsu hennar og útlit. “Ég er með mjög erfiða úlnliði og hef ekki lengi getað sveigt þá aftur í 90 gráður. Því hef ég þurft að gera armeygjur og “burpees” á hnúanum þar til núna að ég fleygi mér í gólfið og tek 25 armbeygjur á lófunum eins og ekkert sé! Kollagen hefur líka góð áhrif á meltinguna enda er upptaka þess í meltingarveginum og af því leiðir að upptaka annarra næringarefna í fæðunni verður líka betri, því allt kemur þetta heim og saman, “segir Lára Kristín sem finnur líka stóran mun á hári sínu og nöglum eftir að hún fór að taka inn kollagen frá Feel Iceland. “Ég var með heilmikið hárlos og var hætt að standa á sama en þegar ég hafði tekið inn kollagen í smá tíma snarminnkaði hárlosið og hárgreiðslukonan mín hafði á orði hvað hárið varð bæði þykkara og fallegra. Ég sé líka gífurlegan mun á nöglunum og það er engu líkara en að ég sé sífellt að setja á mig nýjar gervineglur.” Segir Lára Kristín hin kátasta með árangurinn. Hún byrjar hvern dag á því að setja eina skeið af kollageni út í morgunkaffið. “Ég drekk vanalega svart og sykurlaust kaffi og var áður vön að setja út í það skvettu af rjóma en með kollageninu fæ ég góða og rjómakennda áferð á kaffið.”
Hví virkar Feel Iceland vel?
Áður en Lára Kristín valdi sér kollagen til heilsubótar hafði hún samband við framleiðanda Feel Iceland. “Ég er gagnrýnin á það sem ég set inn fyrir mínar varir og vildi vita hvers vegna Feel Iceland kollagen virkar svo vel umfram annað kollagen. Það er vitað að kollagen inniheldur oft stór mólíkúl sem komast ekki í gegnum húðina og þegar líkaminn brýtur niður missir það eiginleika sína. Í ljós kom að með framleiðsluaðferðum Feel Iceland er kollagenið formelt fyrir mannslíkamann sem auðveldar meltingarkerfinu að taka það upp og nýta það.” Útskýrir Lára Kristín sem valdi Feel Iceland kollagen líak vegna þess að það er íslenskt og náttúruleg afurð úr íslensku sjávarfangi. “Einn dunkur af kollageni breytir auðvitað ekki lífi okkar en það hjálpar öllum að vinna betur saman. Við þurfum að drekka nóg vatn, borða hollt og hreyfa okkur og þá er kollagen frábær viðbót svo að allir vinklar vinni betur saman. Þegar uppstöfnun næringarefna verður betri, þá líður okkur betur og erum betur í stakk búin að hreyfa okkur og þá sofum við betur. Ég mæli því heilshugar með Feel Iceland kollageni því það hefur svo sannarlega haft góð áhrif á mig.” Fylgist með Láru Kristínu á Facebook undir Gymlara og á Instragram undir gymlara82
Feel Iceland kollagen fæst í öllum helstu apótekum og verslunum, meðal annars Lyfju, Lyf & Heilsu, Apótekaranum, Hagkaup, Fjarðarkaupum, Nettó, Heimkaup og í vefverslun feelicelandic.com.
