Magnea Huld Aradóttir, íslenskufræðingur og kennari, kennir sér nú einskis meins eftir að hafa í áratugi glímt við verki í hné, þökk sé Feel Iceland kollageni. Hárið hefur líka þykknað og húðin er orðin svo silkimjúk að maðurinn hennar Magneu klappar henni eins og kisu.
„Húðin er orðin svo mjúk að maðurinn minn getur ekki hætt að koma við mig. Hann strýkur á mér bakið og klappar eins og kisu,“ segir Magnea Huld Aradóttir og skellihlær. Ástæða fyrir silkimjúku hörundi Magneu er Feel Iceland kollagen. Magnea er 44 ára Reykvíkingur, gift, tveggja barna móðir sem er nýbúin að fá sér hvolp. Hún er kennari í Réttarholtsskóla þar sem hún kennir unglingum í 8.,9. Og 10. Bekk íslensku og fjármálalæsi. „áður en ég verð kennari starfaði ég um árabil í Arionbanka. Svo kom að því að mig langaði að söðla um. Ég fann að það átti meira við mig að vera í kringum fólk en peninga og líka að eiga í meiri samskiptum. Því tók ég kennsluréttindin á meðan ég vann í bankanum, en ég var í grunninn með BA-gráðu í íslensku,“ útskýrir Magnea sem lagði einnig stund á viðskiptafræði í háskólanum. „það er stórkostlega gaman að kenna unglingum. Ég byrjaði kennsluferilinn á að kenna yngri bekkjunum en fannst erfiðara að hafa stjórn á fyrstu bekkingum en unglingum. Ég næ betur til þeirra en yngri krakkanna,“ greinir Magnea frá. Hún verður ekki vör við neina unglingaveiki né unglingavandamál í sínu starfi.
„Unglingar eru frábært fólk og öðruvísi í dag en þegar ég ólst upp. Þeir eru heilbrigðari og ég held að það sé vegna þess að foreldrar nú til dags eru meiri þátttakendur í lífi unglinganna sinna. Þegar ég var á unglingsárunum hugsuðu unglingar meira og minna um sjálfan sig, og sjálf keppti ég í handbolta og fótbolta án þess að mamma eða pabbi kæmu til að horfa á leiki. Í dag eru breyttir tímar; foreldrar fylgja börnum sínum efti í áhugamálum og námi, samvera fjölskyldunnar er meiri og nánari, og foreldrar vita hvar unglingarnir þeirra eru á kvöldin og um helgar. Allt hefur þetta forvarnargildi sem skilar sér í heilbrigðari unglingum og sterkari sjálfsmynd þeirra. Ég er því virkilega ánægð með unglingana okkar og hef hlakkað mikið til að hitta þá aftur nú þegar sumarið hallar,“ segir Magnea sem hitti nemendur sína á fyrsta skóladeginum á mánudag. „það leggst alltaf vel í mig að komast í rútínu aftur. Mér þykir alltaf jafn gaman að fara ú sumarfrí á vorin, en í byrjun ágúst fyllist ég spenningi yfir að byrja í vinnunni aftur, hitta krakkana og samstarfsfólkið, og það eru sannarlega forréttindi.“
Hreinsar hugann á hlaupum
Magnea æfði bæði handbolta og fótbolta með Fram hér áður fyrr, en í seinni tíð eiga hlaup huga hennar allan. „hlaup eru í dag mín líkamsrækt. Ég er svo heppin að í vinnunni er afbragðs líkamsræktarsalur þar sem ég get farið með vinkonum og vinnufélögum á bretti og þar lyfti ég lóðum og ketilbjöllum. Ég er vel í stað sett að búa við Fossvogsdalinn þar sem eru margar frábærar hlaupaleiðir í nágrenninu og frá því í mars fram í nóvember hleup ég utanhúss. Mér finnst gott að hlaupa ein og hreinsa hugann með því að skokka. Það er mín hugsleiðsla og á hlaupunum fæ ég bæði hugmyndir og leysi vandamál. Ég hef ekki enn gerst meðlimur í hlaupahóp því mér finnst erfitt að vera niðurnjörvuð með tíma og reima frekar á mig hlaupaskóna þegar mér hentar.“ Magnea tók sig til og hljóp Laugarveginn í fyrrasumar, frá Landmannalaugum yfir í Þórsmörk, alls 58 kílómetra. „þá fórum við fimmtán saman með trúss og leiðsögumann og hlupum þetta á tveimur dögum. Það var stókostleg upplifun, náttúruan á leiðinni er stórbrotin og alveg ný upplifun að hlaupa upp um fjöll og firnindi, en mér hentar betur að skokka langar vegalengdir en að labba,“ upplýsir Magnea.
Verkirnir hurfu með Feel Iceland
Gömul íþróttameiðsl hafa lengi hrjáð Magneu sem fær slæman verk í vinstra hné þegar hún hleypur langar vegalengdir. „þá er ég að farast í hnénu í tvo daga á eftir og á í mestu erfiðleikum með að fara upp og niður stiga. Því varð úr að ég prófaði að taka inn Feel Iceland kollagen og það var eins og við manninn mælt, ég hætti fljótlega að finna til í hnénu. Verkurinn hvarf eins og dögg fyrir sólu, sem er stórmerkilegt í ljósi þess að ég hef glímt við þetta áratugum saman. Ég hafði líka prófað ýmislegt við verknum en fann aldrei mun fyrr en með kollageninu frá Feel Iceland,“ greinir Magnea frá. Hún fær sér væna skeið af kollageni út í kaffi á morgnanna og aðra skeið út í þeyting að vinnudegi loknum. „Ég borða ekki kjöt og spái mikið í næringarefni og hollustu matvæla. Því set ég hálfa rauðrófu út í þeytinginn, en hún er einstaklega hollur kostur fyrir íþróttafólk, stútfull af vítamínum og útvíkkar æðarnar. Ég set líka hálft epli, gult eða grænt, smá bút af engifer og ferkt túrmerik ef ég á það til. Þá bæti ég við frosnum hindberjum, eplasafa, nokkrum dropum af sítrónusafa og skeið af Feel Icealand kollageni, og ef ég á myntu setur það punktinn yfir i-ið. Þetta er hollt og gott millimál, og fjölskyldan elskar þetta. Við lifum heilsusamlegu lífi, erum dugleg að borða hollt og stunda hreyfingu, börnin eru á kafi í fótbolta hjá Víkingi og maðurinn minn í golfi,“ upplýsir Magnea. Hún er staðráðin í að halda áfram inntöku kollagens og tekur líka inn Joint rewind frá Feel Iceland, sem eykur enn á vellíðan í hnjám og liðum. „Ég finn hvað þetta gerir mér gott fyrir hlaupin og mæli heilshugar með Feel Iceland vörunum. Árangurinn leynir sér ekki en það er lykilatriði að taka kollagenið inn samviskusamlega á hverjum degi. Ég veit að margir taka vítamín að krafti fyrstu vikuna en svo verður það gjarnan stopulla. Þetta verður að vera lífsstíll svo það geri gagn.“ Magnea finnur líka stóran mun á húð sinni, nöglum og hári. „þeir sem þekkja mig spyrja hvaða bætiefni ég sé að taka því húðin er svo góð. Það sama á við um hárið. Fyrir fáeinum árum fór ég að finna fyrir hárlosi en eftir að ég fór að taka inn Feel iceland kollagen varð hárlosið minna og hárgreiðslukonan sem hefur klippt mig árum saman, spurði mig hvaða vítamín ég væri eiginlega að taka því rótin væri orðin svo þykk af nýjum hárum sem sprottið hafa fram. Neglurnar eru líka harðar og fallegar. Kollagenið gerir því sannarlega fjölþætt gagn.
